شوفوا الاجزاء شلون مترابطه

مثل ما نعرف انه عملية تنصيب الويندوز
مو بهاي السهوله.. و الافضل انه واحد مختص يتولى هاي العملية و هذا
الصحيح.. بس اللي اله واهس يتعلم و يريد... لازم يكعد يم أبو المكتب و يظل يشوف شلون العملية تصير....
طبعا هاي مو ممكنه ويا كل أهل المكاتب

المهم

هذا الموضوع محاوله بسيطه لشرح خطوات التنصيب بسهوله..

بالاضافه للشرح... لكيت برنامج يحاكي عملية التنصيب... يعني نقدر نشوف عملية التنصيب كلهه من البدايه للنهايه بدون ما ننصب ويندز بس مجرد نتفرج و تقدر اثناء التفرج تستخدم الكيبورد و الماوس كانما انت صدك دا تنصب ويندوز

ما أريد أطول عليكم أكثر بعد

الموضع راح نقسمه الى 3 اجزاء

الجزء الاول:

فقره مهمه لازم نتطرق الهه قبل عملية التنصيب

تعاريف حاسبتك

قطع الـ hardware اللي بحاسبتك مثل ما تعرفون اشكال وانواع... و كل قطعه الهه تعريف خاص بيهه.
معظم قطع ال Hardware (H/W) مثل كارت الشاشه (Video Card) أو المذربورد

(Mother Board) تجي وياهه سيديات تعاريف (Drivers CD).

لازم تتأكد قبل ما نبلش بعملية تنصيب
الويندوز أنه عدك أقراص التعريف الخاصه بال هاردوير H/W مالتك او اذا
منزلهه على الحاسبه بعد احسن

و اذا ما كانت هاي الاقراص موجوده عدك...!!! لا تخترع على كيفك يا معود...

نزلت برنامج يجمع تعاريف جهازك اذا ما عندك اقراص التعريف

هذا البرنامج اللي راح نستخدمه حتى نجمع تعاريف الحاسبه اذا ضاعت من عدنا اقراص التعريف

طبعاً اذا جنت تعرف نوع الهاردوير مالتك,, وتقدر تسوي بحث عنه بالانترنيت.. هاي الطريقه تكون أفضل وماكو داعي تنصب هذا البرنامج.

بس اذا كانت خبرتك قليله بهذا المجال...أو ما حصلت التعريف الملائم خلي نستخدم هذا البرنامج

أول شي...نزل البرنامج لحاسبتك ونصبه والكراك موجود وياه

طريقة تنصيب هذا البرنامج سهله.. ما
تحتاج انه نشرحهه.... و الصراحه.. اني نعست..و هماتين ما أريد ازيد
التفاصيل..لان أعرف الموضوع راح يصير ممل بعدين

المممممممهم...

نجي على طريقة استخدام البرنامج والتعليمات موجوده داخل الصوره... اسهل واوضح بالشرح

بعد ما سوينا الخطوه رقم 3...هسه راح
نقدر نطمئن انه تعارف الحاسبه بالحفظ و الصون.. بس هااااااااااااا صدك
صدك... خزن الفولدر بمكان ثاني غير C: .. خزنه بال D: أو بال E:.. لان لا
تنسى... احنا راح ننصب ويندوز على ال C:... و كل ملاعيب العيد راح تروح من
ال C:

هسه هذا الفولدر
نسميه فد اسم مثلا... تعاريف الحاسبه... لان راح نحتاجه بعد تنصيب
الويندوز ونخزنه مثل ما كلنا باي مكان ما عدا ال :C باعتبار ال سي راح
يتفرمت.
هذا الجزء خلص... الجزء الثاني راح نشرح بيه عملية تنصيب الويندوز نفسهه.

عاااااااااااااااااشت ايدك حبي
صاير مبدع
عااااااااشق عينيها
ههههههههههههههههه

نايم ورجلة بالشمس كتب:: عاااااااااااااااااشت ايدك حبي
صاير مبدع
عااااااااشق عينيها
ههههههههههههههههه

احممممممممممممممممم
نايم تسلم على ردك بس اخر جمله تموتني